GEMSBOK-LOUISVALE: Die tragiese verdrinking van ‘n jong seuntjie van Louisvaledorp by Upington, het die afgelope naweek hierdie gemeenskap in rou gedompel.
Die polisie in Upington het ‘n geregtelike doodsondersoek rondom die omstandighede van die dood van die 7-jarige, Benedict Markus, geloods.
Benedict het na bewering verdrink in een van die oksidasiedamme naby Louisvaledorp op Vrydag, 24 Mei 2024.
Daar word beweer dat die seun met sy vriende gespeel het en later is sy ouers ingelig dat hy verdrink het.
Sy pa het glo probeer om hom te red, maar dit was ongelukkig te laat.
Interprovinsiale soektog na verdagtes in veediefstal en vergiftigingsvoorval
GEMSBOK-KURUMAN: Die polisie is op soek na vier verdagtes, wat glo in Kuruman in die Noord-Kaap werk, nadat agt beeste gesteel en 44 vergiftig is by ‘n plaas naby Vryburg in Noordwes.
’n 38-Jarige man sal Maandag in die Ganyesa-landdroshof verskyn op aanklagte wat verband hou met veediefstal en opsetlike beskadiging van eiendom wat verband hou met twee voorvalle wat in Desember 2023 plaasgevind het.
Die man, wat glo die ringleier is - en sy vier makkers het na bewe-ring agt beeste gesteel en ook 44 ander vergiftig op ‘n plaas buite Bray naby Vryburg.
Man sterf na geen hulp by kliniek
GEMSBOK-FRASERBURG: Die afwesigheid van mediese personeel by die Fraserburgse gemeenskapgesondheidsentrum het Dinsdagaand ‘n tragiese nadraai gehad toe ‘n persoon oorlede is.
‘n Boer in die distrik het sy plaaslike raadslid, Riaan Geel, Karoo-Hoogland-plaaslike munisipaliteit, se vrou glo gekontak nadat hy geen mediese hulp vir een van sy werkers, mnr. Elvis van Jaarsveld, by dié sentrum kon kry nie.
Slegs veiligheidspersoneel was blykbaar by die sentrum aanwesig.
Buitelander glo deur polisie gedood
GEMSBOK-DANIELSKUIL: Op Vrydag, 17 Mei 2024, het ‘n skokkende voorval homself in Daniëlskuil afgespeel en die gemeenskap geruk.
Dit volg nadat ‘n Nigeriese man, wie as Jeff bekendgestaan het, na bewering wreed deur ‘n openbare-orde-polisie-eenheid doodgeslaan is.
Die slagoffer is glo daarvan verdink dat hy ‘n dwelmhandelaar in die Sloya woongebied is.
Volgens ooggetuies het die polisie-eenheid op die verdagte se huis toegeslaan, wat gelei het tot ‘n gewelddadige konfrontasie wat geëindig het in die tragiese dood van die Nigeriese man.
Man glo vermoor voor huis brand
GEMSBOK-PABALLELO: Die liggaam van die 27-jarige Jonathan Isaks is Woensdagaand 14 Mei 2024 in ‘n brandende kamer gevind.
Daar word beweer dat ‘n familielid omstreeks 23:00 vlamme uit Jonathan se kamer opgemerk het en ondersoek gaan instel het.
Terwyl hulle probeer het om die vuur te blus, het hulle die lewelose liggaam van Jonathan in die kamer ontdek wat reeds vlamme op sommige dele van sy liggaam gehad het.
Daar is verder ontdek dat die liggaam veelvuldige steekwonde aan die bolyf gehad het.
’n Moordsaak is vir ondersoek geregistreer. Niemand is nog in hegtenis geneem nie en die polisie se ondersoek duur voort.
Enigiemand met inligting kan die ondersoekbeampte, Sersant Mavimbela by 082 469 5824 kontak of anoniem op MySAPS-toepassing of Crime Stop by 08600 10111 aanmeld.
More Articles …
