GEMSBOK-KLEINSEE: Die Noord-Kaapse SAPD het die afgelope week op verskeie onwettige myners in die Namakwa-distrik toegeslaan.
Op 2024-01-09 om ongeveer 10:00 het lede van die SAPD se Vala Umgodi-span- saam met ‘n privaat sekuriteitsmaatskappy - ‘n operasie in die Namaqua-distrik uitgevoer.
Die span het ‘n gebied deursoek - waar daar beweer word dat onwettige mynbou plaasvind. Vier mans is in myngate gevind en in hegtenis geneem.
Twee ongedokumenteerde Zimbabwiese burgers van 17 en 39 jaar oud, sowel as twee Suid-Afrikaanse burgers van 29 en 30 jaar oud, is in hegtenis geneem op ‘n aanklag van onwettige mynbou.
Dwelmsmouse vasgetrek
GEMSBOK-VAN WYKSVLEI: Die polisie in die Noord-Kaap volg steeds ‘n nulverdraagsaamheidsbenadering teenoor dwelmverwante misdade. Drie (3) verdagtes is op Vrydag, 12 Januarie 2024 op verskillende plekke in die Noord-Kaap gearresteer.
Die polisie in Van Wyksvlei, het inligting van die publiek ontvang dat dwelms vanaf ‘n naburige dorp vervoer word.
Die polisie het die inligting geoperasionaliseer deur die geïdentifiseerde voertuig wat opgemerk is op pad na die dorp te monitor.
Brand bedreig historiese sendingstasie
GEMSBOK-KEIMOES: Na afloop van ‘n brand wat Woensdagaand naby die RK Sending op Keimoes uitgebreek het, het gerugte dat die historiese gebou in puin gelê is, soos ‘n veldbrand op sosiale media versprei.
Die Gemsbok het met Meisie Pool, voorsitter van Afriforum Keimoes, gepraat om vas te stel of daar wel ‘n vuurtjie brand waar die rokie trek.
Pool het aan die Gemsbok vertel, dat die Keimoes Buurtwag Woensdag omstreeks 19:00 ontbied is na ‘n brand wat agter die bekende RC Mission Mill gebou op Keimoes uitgebreek het.
Die dig bebosde area agter die gebou het glo aan die brand geraak en spoedig in ‘n ernstige bedreiging vir die gebou geraak.
Nuwe konstabels trek verdagte met dwelms vas
GEMSBOK-ONSEEPKANS: Vyf nuwe polisiekonstabels het - saam met drie ander Onseepkans SAPD-konstabels - op ‘n vermeende dwelmhandelaar toegeslaan en op dwelms ter waarde van sowat R9300 beslag gelê.
Op 04 Januarie 2024, om 10:00, het Onseepkans SAPD inligting ontvang en ‘n 32-jarige vrou in hegtenis geneem, nadat hulle haar huis in RC Mission, Onseepkans deursoek het.
Dwelmhandel by grens gestuit
GEMSBOK-VIOOLSDRIFT: Dwelmhandel is kort na nuwejaar ‘n knou op die Namibiese grens toegedien.
Tydens roetine-ondersoeke by die Vioolsdrift-inganghawe op Woensdag, 03 Januarie 2024 om 20:00, het lede ‘n vragmotor deursoek en vullissakke agter op die vragmotor gevind.
Die vullissakke het 21 kg saamgeperste dagga met ‘n geraamde straatwaarde van R250 000-00 bevat.
‘n 32-jarige Nami-biese burger is gearresteer vir onwettige handel in dwelms. Die verdagte sal binnekort in die hof verskyn.
More Articles …
