Midweek - Community News

Op die boekrak: Nie ’n Griekse tragedie nie

My big fat Greek taverna deur Costa Ayiotis (published by Melinda Ferguson Books)
Lesersindruk deur Salomé Kotzé

Dié boek moet jy liefs nie op ‘n honger maag lees nie. Veral nie as jy ‘n voorliefde het vir Meditereense cuisine nie - die knoffel, olywe, suurlemoen en knoffel beskrywings van die verteller het my mond soms laat water. Dié boek is ‘n terugblik of memoir op Costa Ayiotis se tyd as eienaar van die Lemonia restaurant in Houtbaai. Dit is ‘n tydperk in die laat 1990’s en vroeë 2000s wat hy saam met sy vrou, en nog ‘n egpaar, die restaurant uit niks begin het nie. Sy vertellings is humoristies van aard en hy skryf eerlik oor die lag en traan en bloedsweet wat daar in gaan om jou eie restaurant te bedryf - ‘n tyd wat hy ook beslis nie wil oorhê nie. Hy skryf hy sal eerder sy kop stukkend teen ‘n muur stamp as om weer ‘n restaurant oop te maak.

Promosie-artikel: Garden Bridge doen dit nou in styl

Klerksdorp Midweek, Klerksdorp - Die opening van die opwindende nuwe multi-sportsentrum by die Garden Bridge bied iets vir alle sportentoesiaste in Klerksdorp. Dié speelplek vir aktiewe mense is op Saterdag 1 Februarie amptelik geopen met ‘n dag van aksie en pret waarin verskeie spanne teen mekaar meegeding het. ‘n Verskeidenheid sportsoorte word aangebied wat insluit krieket, netbal, pickleball, sokker en dodgeball.

Lesersindruk: Haas en Harriet

deur Salomé Kotzé

Ek moet nog die perfekte ouer ontmoet. Ek sê nie daar is nie, net dat ek nie van hulle weet nie. Problematies, ek weet. Perfekte kinders is daar natuurlik ook nie. Maar ek breek nie my kop oor sulke goed nie… dit is wat dit is. Dan lees jy ‘n boek soos Haas en Harriët - en skielik dink jy hieroor. Oor gebroke mense en hul gebrokenheid wat na gebroke kinders lei. Die boek geskryf deur Susan Coetzer is lywig - nie net om te lees nie, maar vir ook vir die denke. Dit word beskryf as ‘n hartroerende roman oor onvolmaakte ouerskap.

Nuut op die rak: Die Bybelse vas

deur Ilse Roux (uitgegee deur Luca)

Bybelse vas fokus op die transformerende krag van vas en hoe dit gelowiges kan help om hul geloof te verdiep en ‘n sterker verhouding met Jesus Christus te ontwikkel. Dit dek verskeie aspekte van vas ondermeer die geestelike groei en -verdieping wat mense ervaar wat vas. Dit gee ook praktiese riglyne oor hoe om te vas en waarom dit gedoen moet word. Dit kan ‘n waardevolle hulpbron wees vir gelowiges wat nuut is tot die praktyk van vas of wat hul bestaande praktyk wil verdiep.

Op die boekrak: Is jy orraait, Elizabeth?

Deur Rozaan de Wet (uitgegee deur Tafelberg)

Is jy orraait, Elizabeth? is die verhaal van drie uiteenlopende vroue wat elkeen pynlike ervarings beleef maar deur hul vriendskap gedra word. Elizabeth se lewe is nou vervleg met haar man se praktyk waar sy daagliks met broosheid te doen kry. Sy sukkel aanvanklik om te aanvaar dat hulle ’n seun met Downsindroom het, maar mettertyd draai haar bestaan al meer om hom, en sy leer by hom die betekenis van liefde. Ada, ’n oorwerkte onderwyseres, en die voorkomsbewuste Mirna worstel met hulle eie persoonlike gesinskwessies.