Upington Tweekamp se Liga 2 - en fondsinsameling - het plaasgevind te midde van ‘n skroeiende 40 grade hitte op 10 November, maar dit het nie die opwinding gedemp nie!
Hierdie geleentheid het nie net ‘n wonderlike saamtrek van atlete gebring nie, maar ook ‘n geleentheid gebied om die gemeenskap se hand te vat en fondse vir Solidariteit se Helpende Hand in te samel.
Die warm temperatuur het nie die deelnemers ontmoedig nie - en die liga het ‘n nuwe hoogtepunt bereik met ‘n indrukwekkende 100 atlete wat meegeding het. 

Nadat Kathu Primêr se 0/14 A-Wolwe  verlede week hul semi-finaal teen Kuruman gewen het, het hulle die afgelope week in die liga finaal teen Wrenchville gespeel. Na ‘n puik wesdtryd aan beide kante klop die Wolwe Wrenchville met 3-0. Hulle stof dan ook 14 ander spanne in die liga uit en word as liga wenners aangekondig.

In minder as ‘n jaar - vandat hy ernstig begin het met die sport - ryg Rayno Nel, oud Upingtonner,  behoorlik die titels in! 
Hy is onderskeidelik gekroon as Arnold Classic Afrika-kampioen 2023, Suid-Afrika se Sterkste Man 2023 en nou is hy Afrika se sterkste man 2023!
  Hierdie titel het hy in Oktober tydens die “Africa Strongman” in Zambië verower. Hy poog om eendag as die sterkste in die wereld gekroon te word!Wat dit so merkwaardig maak, is dat hy eers - vanaf die begin van die jaar - ernstig begin het met die sport.  

Die eerste ligakompetisie in ‘n reeks van vier het verlede week in Upington afgeskop.
Die kompetisie het die dorp se atlete saamgebring in ‘n fees van sportprestasie.
 Hoërskool Duineveld was die gasheer van hierdie byeenkoms wat meer as 80 deelnemers gelok het. Dit was ‘n ware hoogtepunt vir Upington se sportkalender en het deelnemers vanoor die hele gemeenskap saamgebring. 
Skole en privaat skole se atlete het bewys dat Upington as een gemeenskap saamstaan. 
August en sy span by die Munisipale swembad het gesorg vir top geriewe vir die deelnemers en toeskouers

Die Upington Extreme van 21 Oktober 2023 was ‘n reuse sukses! Toyota Financial Services, Upington Toyota en die Upington Rotary Club het met trots vanjaar dié geleentheid aangebied.
Dit was so mooi om te sien hoe jonk en oud mekaar ondersteun van ‘Start to Finish.’ 
Vanjaar was die Upington Off-Road Triathlon weer in volle swang en elke jaar is meer spesiaal as die vorige een.
 Hoërskool Upington het 10 spanne ingeskryf onder die skoleafdeling - asook gaps die Uppies die eerste 3 posisies by die prysuitdeling! 

UPINGTON: Ses plaaslike krieketspanne het die naweek kragte gemeet en goeie spel was aan die orde van die dag. Hier is ‘n kort samevatting van die drie wedstryde wat in die ZFM-liga uitgespook was:

Upington Lions se draaibalbouler, Saood Ali, het Uppies se kolwers met sy goëlballe dronk gedraai en sodoende sy span grootliks gehelp om sy wedstryd gerieflik te wen  -met 9 paaltjies.

UPINGTON: Ses plaaslike krieketspanne het die naweek kragte gemeet en goeie spel was aan die orde van die dag.

Hier is ‘n kort samevatting van die drie wedstryde wat in die ZFM-liga uitgespook was:

Die Hoërskool Duineveld het korte nette gemaak met die span van Paballelo en sy wedstryd verspot maklik gewen met 7 paaltjies. Paballelo het eerste gekolf en kon slegs 36 lopies bymekaar skraap.

GEMSBOK-TOPLINE: Groot opgewondenheid het geheers toe die bekende TV ster en akteur, Freedom Hadebe, Saterdagaand sy opwagting in Topline gemaak het, waar Dirk Louw, ‘n bekende boer uit die omgewing, sy eie sokkerspan  Silvermoon Investments FC,  bekend gestel het.
Meneer Louw is nou betrokke by die plaaslike gemeenskap en hy sien hierdie inisiatief as ‘n geleentheid om jong manne uit die gemeenskap te betrek, om sport te beoefen en terselfdertyd hoop te kan gee vir die toekoms. 

GEMSBOK-UPINGTON: Rayno Nel, oud Upingtonner, is einde Augustus aangewys as Suid Afrika se sterkste man. Wat dit so merkwaardig maak, is dat hy eers begin van die jaar ernstig begin het met die sport.

Upington Rolbalklub is baie trots op Le Roux Fourie wat deel van die wenspan was wat op die onlangse SA onder 30 Interdistrikte -toernooi die GOUE medalje verower het saam met drie spelers van Kimberley nl. Charl Labuschagne, Driaan van Niekerk en Charl-Peter Mathewson. Twee ander spelers van die klub, Andrei Matthee en Janet Brand was in die B span opgeneem, wat ook 2 van hul wedstryde gewen het. 

CAPESPAN Plase het die afgelope naweek op Saterdag, 23 September 2023 nog ‘n sukesvolle Sporttoernooi vir hul plase se sokker en netbalspanne aangebied te Cape-span Valam plaas se sportgronde. Capespan se sitrusplase van so ver as Addo (Oos-Kaap) en Clanwilliam (Wes-Kaap) het ook meegeding saam met die Noord-Kaap Tafeldruiwespanne vir die Capespan Blue Hand Sokkertrofee.  Prysgeld van R10,000 vir die wenners, asook alle kontantpryse, T-hemde en geskenke vir beide sokker en netbalspanne is deur die Capespan (Blue Hand) Stigting geborg. Fairtrade Africa en Remoggo Stigting het saam met ander donateurs ook geskenk-    pakkies vir elke deelnemer geborg.