Klerksdorp Midweek, Klerksdorp - Geliefde skrywer en akademikus, wyle Hans du Plessis sou op 15 Januarie sy tagtigste verjaardag gevier het. Du Plessis is in Oktober verlede jaar skielik oorlede terwyl die laaste roman waaraan hy gewerk het nog in produksie was. LAPA Uitgewers (’n druknaam van Penguin Random House) het verlede week bekendgemaak dat die roman, Klein Wonderwerk, postuum bekendgestel sal word in Februarie.

deur Constant van der Merwe (NB Uitgewers)

Waaroor gaan dit? Wanneer ekspolisieman George Ekermans sien hoe ’n meisie in ’n bakkie ingedwing word, sit hy die ontvoerder onmiddellik agterna. Die man en die meisie verdwyn egter die nag in en al leidraad is ’n eienaardige goue hangertjie wat die meisie laat val het. Die kleindorpse polisie is nie hulpvaardig nie en George begin sy eie soektog na die meisie.

Klerksdorp Midweek, Klerksdorp - Die eerste Pick n Pay stalletjiemark vir die jaar vind op 25 Januarie plaas en die organiseerders beplan om die nuwe jaar op ‘n hoë noot te begin. Een van die hoogtepunte van die mark is die gewilde jaarlikse kolwyntjie versier kompetisie vir kinders wat om 10:00 begin. Die drie afdelings waarin deelgeneem kan word, is 4 tot 6 jaar, 7 tot 9 jaar en 10 tot 13 jaar.

Klerksdorp Midweek, Klerksdorp – Kersfees is om die draai en mense koop geskenke. Die Wyn Tyn Kersmark vind op Saterdag 14 Desember plaas en dit is ‘n dag uit die gewoel. Volgens die organiseerders kan mense vars vleis, leerprodukte, pragtige plante en verskeie handgemaakte produkte en Kersdekor verwag. Hondjies aan halsbande kan kom saamkuier en Meraldi sal optree.