GEMSBOK-KATHU: ’n Boer van Kathu in die Noord-Kaap wat 1 200 ha weiveld verloor het in die wegholveldbrande wat die streek vandeesmaand geteister het, glo pogings deur boere en niewinsorganisasies wat met owerhede werk, het gehelp om die skade te verminder.
Fred Cawood, wie se plaas 3 000 ha is, het nog vee getel, maar dink nie hy het enige diere in die brand verloor nie. Sy plaas se naaste punt vanaf die noordelike grens van Lohathla is sowat 5 km en hy boer hoofsaaklik met Bonsmara-beeste. Hy het gesê die windspoed het die brand wat Vrydag naby die Khumani- en Beeshoek-myne ontstaan het, vinnig vererger.

GEMSBOK-UPINGTON: ATKV-tak Rooiduin bestuur, het pastoor Michelle Potgieter, die skrywer van “Sonneblomme en sneeu in Oekraïne”, onlangs hier op Upington ontmoet.
Saret Boshoff en haar span, het beertjies ingesamel om na die kinders in die oorloggeteisterde Oekraïne te stuur. Sy het met pastoor Michelle Potgieter in Reni geskakel, om te hoor hoe ons hier in Suid-Afrika vir hulle kan help. Michelle het sopas ‘n boek uitgegee oor hul gesin se lewe as sendelinge in Oekraïne. 

GEMSBOK-PRIESKA: Piet Roux, ’n bekende boer in die Prieska omgewing is vanjaar aangewys as die Veeplaas Klimaatslim Ambassadeur in 2023 en hy gaan ook in samewerking met Veeplaas ’n boeredag op sy plaas aanbied. Alle boere word uitgenooi om die geleentheid by te woon.

Die toegang is gratis en dit sluit ook ’n ete in. Die boeredag word op 26 Oktober, op die plaas Biega, tussen Prieska en Britstown aangebied en bekende sprekers gaan tydens die geleentheid optree. Dr. Louis du Pisanie, ’n bekende weidingkundige is een van die sprekers en gaan met die boere gesels oor die boer se verantwoordelikheid om klimaatslim te boer ten einde sy boerdery volhoubaar te hou.

GEMSBOK-UPINGTON: Tydens die Algemene Jaarvergadering van FAMSA Upington op 28 September is die uitdagings en suksesse van hierdie belangrike organisasie in die gemeenskap, bekend gemaak. 

Die nuwe direkteur van FAMSA in Upington, Jeanne Fraser, het die jaar se statistieke van FAMSA se werksaamhede en bydraes uitgewys wat weereens die groot rol van FAMSA gedemonstreer het. 

GEMSBOK-KURUMAN: Die Vrouelandbouvereniging (VLV) Sirkel Kalahari bestaan uit drie takke, naamlik Kuruman, Vryburg en Reivilo.  VLV Sirkel Kalahari sowel as VLV Kuruman-tak het in 2023 hul 90ste bestaansjaar gevier! Die nuwe VLV-jaar het op 1 Oktober 2023 in werking getree. Die tema vir die jaar is: “Ons Jeug, ons Toekoms!” Die Sirkelprojek vir dié jaar is “Gee wat in jou hand is”. Die Sirkel-Konferensie word op 6 en 7 Maart 2024 in Reivilo aangebied, gevolg deur ‘n Inligtingsdag op 9 Mei 2024 in Kuruman.