GEMSBOK-UPINGTON: ‘n Gemeenskap in die Khoi-San-vallei van Upington het vandeesweek baat gevind by agro-ekologieopleiding deur die humanitêre en ontwikkelingsorganisasie, ForAfrika, aangesien hulle hul eie gemeenskaplike tuin gevestig het.
 Die projek, wat deur die Ackerman-stigting gefinansier word, het ten doel om lede van die gemeenskap te voorsien van die gereedskap en vaardighede wat hulle nodig het om volhoubaar vir hulself kos te voorsien.

GEMSBOK-SPRINGBOK: 'n Nuwe pelargonium spesie is in die Richtersveld ontdek deur ons eie Pieter van Wyk, kurator van die |Ai-|Ais/Richtersveld Oorgrenspark Woestyn Botaniese Tuin & Kwekery.
Pelargonium is 'n genus van blomplante wat ongeveer 280 spesies meerjarige plante, vetplante en struike insluit, wat algemeen genoem word geraniums, pelargoniums of ooievaarsbekke. Geranium is ook die botaniese naam en algemene naam van 'n aparte genus van verwante plante, ook bekend as cranesbills. Albei genera behoort aan die familie Geraniaceae. 

GEMSBOK-PORT-NOLLOTH: Hierdie rare spesie, die Takse Reënpadda, is nog net een keer tevore gesien – in 2008 – toe ‘n enkele eksemplaar noord van Port Nolloth in die Noord-Kaap gevind is. 
Die Takse reënpadda spesie is in 2012 deur professor Alan Channing benoem vanaf hierdie monster.
 As deel van ‘n projek om prioriteitshabitatte te identifiseer en opnames te doen vir spesies met ‘n gebrek aan data, het die Trust vir Bedreigde Natuurlewe verlede week saam met Bionerds, SANBI se REFRESH-projek en onder leiding van Les Minter, ‘n bekende Reënpadda-kenner, vertrek na die noord- weskus - op wat hulle  derde reis na die gebied was - om vir hierdie spesie te soek. 

GEMSBOK-UPINGTON: Verlede Sondag, 12 November is ‘n Herinneringsdiens by die NG Kerk Upington-Wes gehou.
Herinneringsdag (ook bekend as Papawerdag as gevolg van die tradisie om ‘n herdenkingspapawer te dra) is ‘n gedenkdag wat sedert die einde van die Eerste Wêreldoorlog in lidlande van die Statebond waargeneem word om gewapende magte te vereer wat in die uitvoering van hul pligte gesterf het. In die meeste lande word Herinneringsdag op 11 November of die Sondag naaste aan die 11 de, gevier, om die einde van die Eerste Wêreldoorlog te herinner.

Op Vrydag 13 Oktober 2023 het Kakamas Aanvullende Gesondheidspan hulle jaarlikse aktiwiteitsdag gehou. Die tema hierdie jaar was “Unity through Community”.
Elke jaar vier die aanvullende span elkeen se professie deur ‘n aktiwiteite te doen en ‘n gekombineerde gesondheidsdag te hou. Hierdeur word bewusmaking geskep deur opvoedkundige praatjies en aktiwiteite - wat elemente verteenwoordig van elke professie.
 Die jaar het die aanvullende gesondheidspan van Kakamas besluit op die bogenoemde tema wat gebruik was vir Nasionale Arbeidsterapie week, omdat dit ons idee was om gesondheidswerkers in die distrik en hulle rol in die gemeenskap te vier as ‘n eenheid.

GEMBOK-UPINGTON: Verlede week het Willie Janse van Rensburg, ‘n finansiële adviseur van Efficient Wealth op Upington, ‘n inligtingsaand gereël waar kenners gesels oor die Nasionale Gesondheidsverseke-ring (NGV), mediese fondse en gevreesde siektes.
Willem Basson van Efficient Wealth het die gaste verwelkom en gesê Effiecient Wealth is betrokke by Kansa deur deel te neem  aan die verskillende bewusmakingsmaande, soos November - Movember, waar daar klem gelê word op mans en kanker.
Hy het in die algemeen gesels oor mediese fondse en hoekom mense nie voorsorg maak vir genoegsame mediese fonds dekking nie. Die rede daarvoor is eenvoudig: mediese fondse is te duur.

Hierdie afgelope Saterdag se Run for the Ribbon-pretloop -om bewustheid te skep vir kinders/volwassenes met Downsindroom - was weer ‘n weghol sukses.
Die idee het by die organiseerder, Suné Wiese, ontstaan om vir Oktober wat Downsindroom bewustheidsmaand is iets te doen vir Downsindroom. 
Omdat Suné en haar man Jaco, se seuntjie, Graham, ook ‘n Downsindroom kind is, het sy besluit om bewustheid daaroor te skep.
“Donwsindroom bewusmaking is vir my so baie belang-rik.  Dankie is so ‘n klein woorde, maar dra soveel gewig. 
Baie dankie aan elkeen wat die Run For The Ribbon bygewoon het en bygedra het tot so ‘n suksesvolle dag. Dit was hope pret vir klein en groot. 

GEMSBOK-UPINGTON: Matrone Adri Calisi, is sedert 1 Oktober aangestel as die nuwe bestuurder van die ACVV Tehuis vir Bejaardes.
Sy het ‘n passie vir bejaarde persone. Dis vir haar belangrik om bejaarde persone met respek en waardigheid te behandel. 
Matrone Calisi is van hierdie omgewing en het in Keimoes grootgeword. Sy was ‘n nooi Skipper. Adri is al se-dert 1992 in verple-ging  toe sy haar opleiding as verpleegster in Kimberley deurloop het. Daarna het sy in Medi City in Kimberley verpleeg, het ‘n aantal jare by die ou Gordonia Hospitaal se hoë sorg gewerk voordat sy in 2014 in Engeland gaan werk het.

Tydens die onlangse Internasionale Sultana Konferensie  wat in die Hyatt Regency Izmir IstinyePark Turkye gehou is, is mnr. Johannes Fourie, voorsitter van Raisins SA vereer vir sy bydrae tot die internasionale rosynebedryf, die afgelope 20 jaar.
Die konferensie word jaarliks gehou en Johannes Fourie woon dit al sedert 2 000 by as voorsitter van Raisins SA se direksie. 
Dis by hierdie geleenthede waar die bedryf se netwerk en vriendskappe met ander produksiegebiede gevestig word.

GEMSBOK-PABELLELO: “Dit is vir ons as Masakhane Arts Centre ‘n besondere voorreg om die alenigste groep te wees wat gekies was om Suid - Afrika te gaan verteenwoordig in een van die grootste kunstefeeeste genaamd “The Herritage Of Africa Theatre Festival” in Ghana,” so vertel Elcardo Chulu, uitvoerende direkteur van MAC. 
  Die dinamiese kunstegroep gaan hulle beste kulturele dramastuk -genaamd Silence In The Dark - by die fees op die planke bring. 
“Ons is heeltemaal in die wolke oor hierdie geleentheid.  Een van die hindernisse wat ons wel in die gesig staar, is dat ons bietjie sukkel om ons vliegtuigkaartjies -  vir die sewe lede wat gekies is vir hierdie aanloop - te kan bybring,” vertel Elcardo.
Hy sê hulle is tans besig met fondsinsamelings “om seker te maak dat ons kan gaan”. 

UPINGTON: Die Provinsiale Kommissaris van die SAPD in die Noord-Kaap, luitenant-generaal Koliswa Otola het die lewenslange tronkstraf wat Gladwin Steenkamp opgelê is - vir die moord op ‘n 8-jarige seun op 30 November 2022 in Kenhardt, verwelkom.
Die beskuldigde is op 13 Oktober 2023 in die hooggeregshof in Upington gevonnis.
Die veroordeelde moordenaar het op 29 November 2022 sy meisie aangerand en nadat sy en haar ma die volgende dag ‘n saak van aanranding by die polisiestasie gaan registreer het, het die beskuldigde na die huis van sy meisie gegaan en haar agtjarige broer gevat en vermoor - deur die seun se keel grusaam te sny.

GEMSBOK-UPINGTON: ‘n Heerlike koel oggend het Sonel Brits, besturende direkteur  van die ATKV, hier in Upington verwelkom, toe sy die toekenningsfunksie van ATKV-takke Rooiduin en Kakamas, bygewoon het.
Uppies Kultuurdiere het die verversings bedien en Helena Buys, voorsitter van Groblershoop se Grobbies-tak, sowel as Charmaine Fourie, voorsitter van ATKV-tak Askham, het die funksie bygewoon. Gaste van so ver as Marchand en die Kalahari het gekom om die geleentheid by te woon.