Lizelle Swart van Klerksdorp sê hierdie biltongtert is die perfekte gereg om aanmekaar te slaan as jy iemand se hart wil wen. Dit is heerlik en beindruk dadelik jou gaste - al is jy nie eintlik ‘n bobaaskok nie.
Net die regte tert vir 'n lekker winterkuier.
Bestanddele:
• 1 rol Puff pastry
• 160g klam biltong
• 1 koppie gerasperde kaas
• 250ml room
• 2 ekstra groot eiers (of 3 groot eiers)
Metode:
• Verhit oond tot 180oC.
• Rol deeg op meelbestrooide oppervlak uit. Laat sak dit in die bak (spuit met spray & cook). Moenie die deeg rek nie (dit krimp terug in die bak). Maak die randte van die bak netjies.
• Strooi die biltong op die bak se bodem.
• Strooi kaas bo-oor.
• Klits room en eiers saam. Gooi mengsel oor biltong en kaas.
• Bak in oond vir 35-40 minute. Haal uit en laat afkoel.
• Dien dit louwarm op saam met ‘n groenslaai.
Jy kan dit die aand voor die tyd maak. Plaas net ‘n rukkie voor opdien in die oond, by 100oC.
