Met Rustenburg Herald se onlangse 100ste bestaansjaarvieringe het ons span fotograwe ‘n viermanskap nuwe vriende ontmoet toe ons by geleentheid by dieselfde tafel (of moet ons sê dieselfde biervaatjie?) lafenis teen die bykans ondraaglike temperature gaan soek het – ons moet toegee – ons fees sal vir nog lank onthou word vir dalk een van die warmste dae tot dusver vanjaar. 

Ons nuwe vriende en gashere vandeesweek dus – Zani Kruger en Hanru Buitendach wat vir ons ‘n immergewilde hoendergereg maak. 
Ons lesers sal die res van ons nuwe vriendegroepie binne ‘n week of twee ontmoet. 
Natuurlik kon ons nie die versoeking weerstaan om die heerlike hoenderhappie te proe nie – ons monde het teen dié tyd al behoorlik gewater – so ja, jy moet hierdie een ook maar teen die yskas plak (soos al die ander…) 

Vandag kreun die tafels hier by Rustenburg Herald se kookrubriek met ‘n behoorlike maaltyd. Aan die woeker in die kombuis is kollega Susan Cilliers – sedert 2010 Netwerk24 en Beeld se verslaggewer in Noordwes en haar sus Melindi van Rooyen, ‘n maatskaplike werker en direkteur van Childline in Noordwes.
Susan en haar sus is albei inwoners van Potchefstroom in Noordwes en is lief vir die koskuns. Susan en Melindi maak vir ons ‘n hoender- en groentegereg en ‘n aartappelgebak – ‘n lekker gebalanseerde maaltyd!

By Bergsig Akademie was daar vroeër vanjaar groot opwinding toe twee van die skool se gewildste leerders onderskeidelik as Mnr en Mej Bergsig aangewys is. Na dese het Nola Kruger en Zandre Schoeman nie veel bekendstelling nodig in die kringe waarin skoolkinders beweeg nie. Vandeesweek bewys die twee dat hulle ook in die kombuis bedrewe is en ‘n lekker geurige, ligte ete en ‘n soet eetdingetjie vir nagereg is geen probleem nie. Nie alles gaan deesdae oor kitskos nie en daar is tog nog baie individue uit die jonger generasie wat die waarde van ‘n gebalanseerde dieet besef. Oor die volgende twee weke gaan Nola en Zandre hulle resepte vir heerlike gebraaide soetrissie-hoenderborsies asook ‘n sensasionele Peppermint Crisp tert met ons deel. As jou kroos by die huis dalk nie so geesdriftig oor kosmaak is nie, wys vir hulle hierdie lekker pret- en kooksessie – wie weet – dalk is hier genoeg “vleis om die lyf” om jou spannetjie by die huis te inspireer? Vandeesweek spring ons weg met die gebraaide soetrissie-hoenderborsies en aanstaande week kom die watertand-tert aan die beurt. Dalk kan jy nog hierdie lekkerste-lekker tert gemaak kry voor die winterkoue in al sy felheid toeslaan.

Hierdie eenpot-hoendergereg is ‘n ete op sy eie. Salomé Kotzé, redakteur van Klerksdorp Rekord, was verbaas oor hoe maklik die resep eintlik is om te maak, al klink dit nogal ingewikkeld as jy die naam lees. Jy sal jou gaste behoorlik beindruk met die een. Sy het die resep op Google gekry.

Thabo Pelesane is a TB Ambassador and well-known DJ in Klerksdorp. He is passionate about community development and shares his recipe for chicken kebabs that he enjoys with a scrumptious homemade coleslaw.

RUSTENBURG HERALD – RUSTENBURG – The days are now getting shorter. Meals that will not take up too much time is obviously then a priority. Rustenburg’s Chef Pieter Germishuys is showing us this week that stir-fry does not need to be the same old-same old.
You can jazz it up for a bit more flair – but still make it quick and easy. Chef Pieter’s delictable ‘Easy Broccoli, Chicken Peppadew Stir-fry’ is served on rice and garnished with crumbled Feta Cheese and Spring Onion.

Dit staan al einde Maart se kant toe, maar in Rustenburg is daar nog min sprake van koeler herfsdae. Dit beteken dat dit steeds hopeloos te warm is om onnodige tyd voor ‘n stoof te spandeer. Toe ek dié resep vir ‘n blitsvinnige ligte maaltyd op Instagram raakloop, was dit so reg in my kraal – maklik, lekker en min moeite.

Nacho Hoenderfrikkadelle

Bestanddele:
1 Pak Doritos Nacho Cheese tjips
500g Hoender, gaar, en fyn gevlek
200ml Mayonnaise
Kaas (Gouda of Cheddar) in blokkies gesny, genoeg vir 1 per frikkadel
2 Geklitsde eiers om frikkadelle in te doop.

Marco Steenkamp wil graag ‘n verskil in Klerksdorpers se lewe maak en sê ‘n warm hoenderkerrie is net die regte resep vir ‘n koue wintersdag. Hy hou van rys, vleis en aartappels op ‘n Sondagmiddag en sy ma se hoenderpotjie is ‘n gunsteling.

Dis mos nou al ‘n uitgemaakte saak: ure se sloof voor die stoof om vir jou gesin ‘n feesmaal vir kersfees voor te berei is bloot onnodig. Jy kan heerlike geregte bedien sonder dat jy kombuisvoos hoef te raak. Met net bietjie meer as ‘n week voor Kersfees oor, help Sjef Pieter Germishuys met ‘n plan vir ‘n treffergereg. Sjef Pieter, van Inspirare Cooking Academy is al byna sinoniem met kos waaroor jy sal wil huis toe skryf. Hy is nie net ‘n meester in die kombuis nie, sy studente pluk die vrugte van sy kundigheid met kwalifikasies wat deure vir hul oral in die wêreld kan open. Pieter is natuurlik ook ‘n man wat van onthaal hou. As jy dus ‘n funksie of byeenkoms beplan, vra vir Pieter – jou geleentheid sal ongetwyfeld ‘n ‘happening’ wees. By die rustige en netjiese Jabulani, skaars ses kilometer uit die dorp op die Dinie Estate-pad, word geen moeite gespaar om klante se wense te bewaarheid nie. Gesels met Pieter vir meer inligting. Om jou hoenderstapel – vir vyf porsies – te maak, benodig jy die volgende.

Nee wat man – jy hoef nie regtig Zanzibar toe te gaan om ‘n lekker eksotiese vakansiegevoel te kry nie. Kry vir jou ‘n lekker naweek (of ‘n plaaslike vakansie) en sorg dat jy Thania le Roux (ja, Thania van Wings Spinning Studio – dit maak glo nie vet nie…) se Zanzibar-hoender-resep styf onder die arm het. Hierdie is ‘n gereg wat absoluut sensasioneel smaak – dit is nie ‘n verrassing dat Thania ‘n slag in die kombuis het nie – kos maak loop sommer dik in die Le Roux’s se bloed – Thania is die dogter van Rustenburg se bekende spysenierspesialis – Espa le Roux.

Tsholofelo Mathebe is a young aspiring model from Rustenburg who was privileged to have visited Paris – the undisputed fashion capital of the world – a few short weeks ago. The visit to Paris was a gift from her mother in order for Tsholofelo to acquaint herself with the international fashion industry in which she is considering a career. Of course, Tsholofelo was also highly impressed by the flair and taste of French cooking and for this week’s “What’s Cooking” she treats us to the evergreen French favourite – Classic Chicken Cordon Bleu.

Dit is nou al baie jare dat Suid-Afrikaners gewoond geraak het aan gunstelinghappies soos eg Italiaanse pizza wat in ‘n stadium so gesog was dat dit as “eksoties” beskryf kon word. Nog ‘n Italiaanse happie (ook ‘n tipe broodjie-gereg) wat deesdae so gewild is dat dit by feitlik elke restaurant of kookhoekie aangebied word, is Italiaanse Tramazini.