Kyk – in ons familie is daar ‘n klompie mense wat behoorlik kán kosmaak en dit is sagkens gestel. Só, met rugby-, tennis- of ander belangrike sportnaweke is dit maar ‘n algemene ding dat die familie eers lekker saam voor die tv saamtrek voordat die vreugdevure aangesteek word en die partytjie in ‘n egte rugbybraai ontaard.  Maar daar ontaard die afgelope naweek se langverwagte tweestryd teen die “Swart Gevaartes” toe in só ‘n senutergende affêre dat die blus lank voor skemer heeltemal uit die rugbypraters se braaivuurtjies is. Boonop het Moeder Natuur vroegoggend al haar koudste jas afgestof en haar ongenooid hier in Rustenburg kom tuismaak. Was dit nie vir die voorgevoel van die vroue wat inderhaas die allerlekkerste (en baie welkome) potjie lamskerrie aangeslaan het nie, was die manne waarskynlik die hele naweek lank droëbek om dit nou só te noem. 
So onverwags soos dié potjie lamskerrie was, het ons vinnig besef dat hierdie kerriepot nie ongesiens of ongelees kan verbygaan nie en hier sit ons nou met sekerlik die heerlikste winterpotjie van die afgelope yskoue en skynbaar nimmereindigende winter van 2024.

Of dit nou tacos, enchiladas, nachos, tortillas of sommer net “Big Korn Bites” is – mense regoor die wêreld is mal oor Meksikaanse kos, geregte of happies – onthou julle nog die kostelike “Big Korn Bites”-advertensie op TV hier vroeg in die negentigers? Nouja, in hierdie week se kook maak ons ‘n tortilla-happie (Mexican Tortilla Breakfast Boats) wat selfs nog meer gewild as die droëbeskuitjie “Big Korn Bites” is. Mariska Kruger – ‘n stylvolle Rustenburgse dame wat al ‘n string skoonheidstitels agter haar naam het, was baie onlangs in Mexiko waar sy haar jongste skoonheidsprestasie behaal het en deel vandeesweek met ons ‘n ontbytreseppie wat in Sentraal- en Latyns-Amerika omtrent daagliks voorgesit word. Die groot lekker van hierdie resep is dat ‘n mens dit in verskillende variasies kan voorsit en dat dit in elke formaat of smaak ewe lekker is. Nouja, genoeg gepraat – kom ons laat die tortillas die praatwerk doen. 

TAMBUTIKOMBUIS - Rustenburg – Baie van ons het met melkkos grootgeword. Dit was ‘n gereg wat ons ma’s op koue wintersaande voorgesit het – dalk meer gereeld so na die einde van die maand se kant toe omdat melkkos redelik goedkoop is om te maak. 

Vir tradisionele melkkos het jy net melk, koekmeel, ‘n knippie sout en kaneelsuiker nodig – alles goed wat in meeste kruidenierskaste by die huis is. Maar toe wonder ek, hoekom nie van hierdie romerige lekkerte ‘n nagereg maak nie? Met drie ekstra bestanddele, en ‘n paar minute in die oond, word beskeie melkkos ‘n etenstafel-ster.

TambutiKombuis - Dié Sondag is dit Vadersdag. As jy nou jou pa tot in sy skoene in wil bederf, steek ‘n vuurtjie aan en braai vir hom sy gunstelingvleissnit oor die kole. Maar, soos jou ma jou sal vertel, is die vuur en die vleis eintlik maar net ‘n klein deeltjie van ‘n braai – die ware towerkrag lê in die bykosse. Gina Walters, bestuurder by Bargain Books by Platinum Square, Rustenburg maak dié week ‘n paptert wat maklik ‘n bloulint op ‘n kookkompetisie sal verwerf. En, sê Gina, as jou braai sou uitreën, of jou kole is te warm en jy verkool Pa se stukkie vleis, sal dié paptert sy eie skoene kan volstaan as ‘n volwaardige hoofgereg. Só maak Gina haar paptert: 

Our hosts this week need little introduction – Dave and Chantelle share the recipe of a wonderfully flavoured potjie that can be prepared with any cut of beef and fresh or preserved figs.
The pot has a sweet and sour taste with a hint of chilli and is low maintenance during the cooking period. The pot must be made on a slow fire as to avoid the sweet ingredients from sticking to the pot and burning. This recipe combines an interesting set of ingredients with the traditional cooking method for “potjiekos”.

Ingredients:
The juice of 8 squeezed lemons
Finely chopped fresh garlic
4 medium sized green chillies

Hierdie week se “Rustenburg Herald raak die klits kwyt” uitgawe is baie besonders: nie net is dit ‘n baie lekker en gesonde ete nie (veral nadat ons ‘n paar weke gelede polonie in ons “Kota”-resep gehad het) maar ook omdat dit die eerste keer is wat iemand vir ons kook wat nie net die kos gemaak het nie maar ook die bakke waarin dit bedien is! Nalize Venter het onlangs terug verhuis na Rustenburg nadat sy by die Tshwane Universiteit van Tegnologie (TUT) vir ‘n geruime tyd as lektor gewerk het. Daar het Nalize klasse in fynkuns aangebied en is ook tans besig om haar meestersgraad hierin te finaliseer. “Ek het oorspronklik Rustenburg verlaat omdat daar nie ‘n “studio” hier was nie. Nou het ek my eie een gestig,” vertel Nalize. Sy verwys natuurlik na die Ginger Studio in Uniestraat waar sy haar besonderse kunswerke maak. Nalize verduidelik dat, wanneer jy kos in jou eie handgemaakte keramiek bakke bedien, elke ete ‘n feesviering word! “Bedien jou muesli met Griekse jogurt, vars bessies en heuning – begin die dag met iets pragtig!”
Indien jy ook graag wil leer hoe om jou eie bakke te maak asook ander kunswerke skakel gerus vir Nalize by 084 505 9386 of epos haar by This email address is being protected from spambots. You need JavaScript enabled to view it..

Vra enigiemand waarvan die Skotte hou en jy sal waarskynlik dadelik hoor: Whisky, doedelsak-musiek, kort rokkies (vir die manne hoor!) lang baarde en snorre. Sou jy kon raai dat die Skotte skynbaar ook lief is vir eiers? Ja, ek weet darem nie of hierdie resep bedoel is om ‘n Skotse lekkerny te wees nie - ek het nie eers gedink die mense daar in ‘n yskoue Skotland sal hoegenaamd van eiers hou nie, maar so leer ‘n mens blykbaar... 
Om die een of ander rede staan hierdie heerlike happie as Skotse eiers bekend - waarom sou niemand seker kon sê nie. Maar as jy op ‘n Saterdagoggend, -middag of -aand met die een hand so oor jou maag vryf en by jouself dink dat jy nou werklik lus het vir iets wat ‘n mens nie aldag oor die toonbank kry nie, is die Skotse eiers ongetwyfeld ‘n uitstekende idee. Eloïse Erasmus en haar vriend Jean-Hendri Robbertse het die afgelope week ‘n tydjie ingeruim om Rustenburg Herald vir hierdie heerlike happie te nooi en terselfdertyd vir ons te wys hoe om dit volgende keer te maak - daar is min twyfel dat daar beslis ‘n “volgende keer” gaan wees...

This week we bring you the fourth edition of the Rustenburg church - Vantage Point's mini series of International Recipes of which several if not all of them will feature at the church's long-awaited International Food Festival on Friday, 27 May 2016. Vantage Point is situated some 2 km from the Waterfall Mall on the R24 from Rustenburg. At the Food festival which starts at 17:30 - guests will have the opportunity to taste a variety of international recipes and dishes (small portions) at only R15 per serving. This is to allow you to enjoy as many different tastes as you could manage which, inter alia, is all intended to get the crowds to mingle and spread the message...
This week Rustenburg Herald's cooking page features Bruno Herrmann and his girlfriend - Sonja Mohr - a young "German" couple who entertains us with traditional German pretzels - a well-known European delicatessen. Bruno is somewhat of a cross-breed between a German with South African blood or vice versa. Bruno grew up in Rustenburg and Kroondal and spent a gap year in Germany after his matric year. This is where he discovered his love for German baking traditions and learned to prepare pretzels the traditional way. Bruno also completed a diploma course in German baking at the International Baking Adacemy and can tell you a thing or two about the art of German baking. "Among all the other things we learned to bake, pretzels where my favourite. This is why I get excited over every opportunity to bake pretzels, like now to do marketing for the Food festival". So - it's pretzels...

Daar is onlangs aan hierdie korrespondent gesê dat in Suid-Afrika, en veral hier in die Noordwes, eet ons nie pap en vleis nie – ons eet “pap en marog”. Vir sommige van ons wek die woord “marog” (of “Morogo” soos dit eintlik gespel word) herinneringe van jonk wees en die plaaslewe. Steeds is daar van ons wat in die stad woon en nie van hierdie wonderlike dis weet nie. Vir ons is dit maar die ou gewone tamatie-en-uie-sousie. Maar glo my, “Morogo” wat voorberei is soos wat Sala en Rebecca van die Rustenburg Herald dit doen sal jou asem weg slaan. Hierdie eenvoudige (maar ook unieke) resep is ‘n wenner maak nie saak wanneer jy dit maak nie – of dit nou ‘n Sondagmiddagete saam die familie is of selfs ‘n bietjie omkoop kos vir wanneer jy en die meisie se pa “lebola” onderhandel.
Ja, om Suid-Afrikaans te wees. Om die tradisioneel met die modern te meng – dít is wat hierdie land so besonders maak! Na aanleiding van verlede week se pap-resepte maak Sala en Rebecca hierdie week vir ons die eerste van ‘n reeks “seshabo” of disse wat al te lekker saam met pap gaan. Onthou dat dit heel moontlik is om die “Morogo” met spinasie te vervang – maar komaan, wees bietjie eg-Suid-Afrikaans en maak vir jou ‘n lekker “Morogo Seshabo”.

“Variety is the spice of life” lui die Engelse spreekwoord en is dit nie baie gepas dat dié eenvoudige lewensles kos as metafoor gebruik nie? Ons hier by “Raak die ‘klits’ kwyt” het dit ter harte geneem en Mercia du Plessis en haar mooie dogter Marli dis vir ons hul eie weergawe van die immergewilde paptert op. Paptert is net soos baie ander Suid-Afrikaanse disse ‘n seisoenale ding – aanvanklik ken niemand dit nie en net ‘n maand of wat later is dit die bekendste dis op enige spyskaart.
Mercia en Marli (ja hulle het ook vir boetie Leon ingespan) maak hier vir ons hul eie skepping met die eenvoudig naam: - “lekker paptert” – want dit is presies wat dit is – smaakvol maar onopgesmuk.
Mercia en Marli maak dit so: