Geen winter-uitgawe van Rustenburg Herald se kook- of kosmaakrubriek sal volledig wees sonder ‘n lekker eenvoudige weergawe vir ‘n pot geurige wintersop nie. Met die félheid van vanjaar se nogal erg koue winter is daar seker heelwat inwoners van ons dorpie wat hulle die afgelope tyd tot eenvoudige “boeresop” gewend het om die ergste koue te verdryf. Met die maandeinde nou gevaarlik naby en die koskaste ‘n bietjie leër as gewoonlik, is die goeie nuus dat die winter nog nie verby is nie. Kom probeer gerus hierdie potjie sop van Alexis Agenbag – dalk verstaan jy na dese Esau se penarie met Jakob se lensiesop (gortsop) beter? 
Alexis noem hierdie eenvoudige sopmetode sommer “gooi-by-sop” wat beteken ‘n bietjie van alles in die yskas gaan hierdie tyd van die maand soppot toe. Alexis het haar sop só gemaak: Pas maar die hoeveelheid bestanddele aan by die grootte van jou pot of andersins – die hoeveelheid gaste aan jou tafel: 

Seipati Ngwejane is an entrepreneur who loves cooking. Her late mom taught her the finer details of cooking and uses garlic and herbs to flavour her food. She dreams about having her own cook book or cooking show one day.

Boeke is al vol geskryf oor die gesondheidsvoordele van hoendersop en net soos suurlemoene en appels wat oor eeue heen die dokter se besoeke kortgeknip het, bied die kwaliteite van hoendersop maklik ‘n dosyn of meer gesondheidsvoordele. Een van die maklikstes hiervan wat dadelik by ‘n mens opkom, is die “boereraat” wil ‘n mens amper sê, dat hoendersop nie sy gelyke het om die koors van ‘n siek pasiënt te breek nie. Hoendersop (let wel, dun in dié geval) help glo ook om ‘n omgekrapte maag reg te ruk en as ‘n ou na ‘n lang siekbed weer sukkel om jou kragte te herwin, is daar niks beter as hoendersop nie.
En dan het ons nog nie eers begin om oor die wonderlike voordele van hoendersop in die “hartjie” van die winter te praat nie. Ja, die mense onder ons wat die veld ken en weet hoe koud dit vroegoggend of laataand in die jagveld kan word, sal getuig watter aangename verrassing ‘n potjie warm hoendersop met die jaggeselskap se tuiskoms is.
Vandeesweek kook ‘n “ou Rustenburger” (maar ‘n betreklike jong man) vir ons een van sy gunsteling-winterdisse. Morné van Zyl wat vir jare by die Rustenburg Gholfklub agter die potte was en daarna in spysenierskringe bekend geword het, is sedert onlangs aan die stuur van die kombuis en spyskaartsake by Malichri-restaurant ‘n hanetreetjie wes van Rustenburg op die Swartruggens-pad (skaars twee, drie kilometer anderkant die groot Swartuggensbult…).

Dis mos nou nie ‘n kwessie nie: Winter is soptyd. Maar mens raak ook bietjie uitgeëet aan groentesop en boontjiesop. Hoekom probeer jy nie dié mielie-chowder nie? Dit is propvol geur en jy kan hom soveel byt gee soos wat jy wil. Die chowder neem ook nie baie lank om voor te berei nie – ideaal om gou op ‘n wintersmiddag voor te berei as die hongerpyne, soos wat dit tog maar in die winter gereeld gebeur, begin knaag.

Vir die mielie-chowder gaan jy die volgende benodig -