Kosmaak is in Zandri Viviers se bloed. Sy kan nie voorbly met bestellings vir hierdie heerlike suurlemoen meringue wat in van Klerksdorp se top restaurante verkoop word.
LEGENDARIESE SUURLEMOEN MERINGUE
Deur Zandri Viviers
Bestanddele:
Onderlaag:
• 1 pakkie tenniskoekies
• 30ml gesmelte botter
Suurlemoenvulsel:
• 1 blik kondensmelk
• 125ml suurlemoensap
• 1 eier
• 3 eiergele
Meringue:
• 150ml strooi suiker
• knippie sout
• 3 eierwitte
Metode:
• Verhit oond tot 180°C.
Onderlaag:
• Maak tennis koekies fyn. Gooi gesmelte botter by en meng.
• Druk plat in 'n gesmeerde 23cm bak.
Suurlemoen vulsel:
• Meng kondensmelk, suurlemoensap en eiers saam. Gooi bo oor koekiemengsel.
Meringue:
• In 'n skoon bak, klits eierwitte en gooi strooisuiker en sout gelydelik by tot dit styf en glansend is.
• Skep meringue bo op die suurlemoenvulsel en bak in die oond vir 10-15min totdat die meringue liggies begin bruin word.
• Laat tert afkoel voor bediening.
