GEMSBOK-KANONEILAND: Lede van die Kalahari Oumotorklub (KOMK) en hul gesinne het op 22 Junie 2024 met hulle Volkswagen Kewers die internasionale Volkswagen Kewerdag saam gevier met ‘n rit na die Kanoniki padstal by Kanoneiland waar daar lekker saam gekuier is. 
‘n Kort geskiedenis van die VW Kewer of algemeen bekend as die “Beetle” is dat gedurende Mei 1934 het Adolf Hitler, die destydse leier van Nazi Duitsland, tydens ‘n vergadering in Berlyn se Kaiserhof Hotel daarop aangedring dat ‘n goedkoop passasiersmotor vir die volk ontwikkel moet word wat twee volwassenes en drie kinders moet kan vervoer, lugverkoel moet wees met lae loopkoste en lae brandstofverbruik. 

GEMSBOK-KENHARDT: Mnr. Charl Saunderson is tydens die onlangse RPO-kongres genomineer as vise-voorsitter van die RPO Noord-Kaap.
Charl is op die dagbestuur van ORLU (Oranjerivier Landbou Unie) en was na die kongres afgevaardig. 
Mnr. Saunderson het nie veel bekendstelling nodig nie. Hy boer al sedert 2004, waar hy ‘n vierde generasie boerdery op Nooitgedacht in die Kenhardt-omgewing, bedryf, naamlik Nooitgedacht Dorperstoet. Charl was eers ‘n finansiële adviseur op Upington (Charl Saunderson Finansiële Adviseurs) en het gedurende 2014 voltyds gaan boer.

GEMSBOK-UPINGTON: Na ‘n diagnose van kanker kan jy ‘n reeks gevoelens hê, insluitend vrees, hartseer, angs en depressie. 
Dit is normale reaksies op ‘n stresvolle lewenservaring.  Die mense in jou lewe kan ook bekommerd, kwaad of bang voel. 
Familielede kan baie ondersteunend wees, of hulle kan anders teenoor jou begin optree. 
Sommige voel dalk skuldig dat hulle nie siek is nie, of hulle kan hulpeloos voel, omdat hulle nie weet hoe om jou te help nie.
Nadat die plaaslike Kansa kantoor sy deure op Upington gesluit het, het ‘n klomp Kanker-oorwinnaars en mense wie geliefdes aan die stryd met kanker moes bystaan en selfs afstaan, ‘n kankerondersteuners groep op Upington begin.
Die groep het die afgelope week ‘n baie interessante inligtingsessie by die Dr Harry Surtie Hospitaal se onkologie afdeling bygewoon.
Die personeel van die geallieerde gesondheid afdeling het die groep toegespreek.
Enige persone wie betrokke wil raak of die behoefte tot kanker ondersteuning het, kan met HelenaTitus, via Whatsapp kontak maak.
Haar nommer is 078 371 3225.

Die Kakamas Belangegroep, in samewerking met Youth With A Mission (YWAM) het nog pragtige plante by Kakamas se ‘Ons Tuin’ aangebring. Gemeenskapslede en rolspelers het saam met die Christelike jeuggroep, YWAM, n kruis in die tuin opgerig en in gebed vir hoop en vrede vir die gemeenskap gevra.
Kakamiete moes die afgelope paar jaar baie klippe versit om ‘n vullishoop by die ingang van die dorp, in ‘n spog-rotstuin te omskep. Kakamas spog vandag met ‘n waterslim pragtige roos-kwarts, roois-jaspis, doloriet rotstuin en selfs ‘n miniatuur replika van die dorp se historiese waterwiel.

GEMSBOK-UPINGTON: Dr. Henning Gericke, ‘n ikoniese Suid-Afrikaner wat as kliniese sielkundige en skrywer, vorm aan die sportsuksesse van verskeie internasionale sportlui gee, het Upington verlede week besoek.
Die ontspanne wyse waarop dr Henning Gericke sy gehoor ontmoet, laat die interaksie spoedig voel soos “storie-tyd”. Nie net deel hierdie begaafde internasionale atleet en sport afrigter van sy eie belewenisse nie, maar hy gee ook praktiese pitkos vanuit sy gepubliseerde werke. Met totale deursigtigheid het hy gedeel hoe sy pad as atleet, sportafrigter en familieman geloop het, tot waar hy hom nou bevind in ‘n seisoen van terugploeg in die samelewing. 
Die eerste interaksie was met ‘n groep onderwysers by Hoërskool Upington waartydens Henning totale begrip vir hul uitdagings getoon het en met spontane , onderhoudende deel van raakpunte uit sy nuutste boek, INSPIRING PARENTS: CREATING CHAMPIONS IN SPORT AND LIFE  - Afrikaans “Inspererende Ouerskap,” wat nou nog net twee maande op die rakke is. 

GEMSBOK-UPINGTON: Volgens die Departement van Water en Sanitasie se Status van Waterreservoirs-verslag het slegs  die Noord-Kaap, “in die huidige verslagtydperk” ‘n beduidende verbetering in oppervlakwaterberging getoon deur ‘n toename van (+6.2%) .
Die Noord-Kaap, wat ‘n volle voorsieningskapasiteit (FSC) van 146,32 miljoen m3 het, staan ​​op 78,6%, vergeleke met verlede week se 72,4%. 
Verlede jaar was die volle voorsieningskapasiteit van die Noord-Kaap op 84,3%. 
Die Van der Kloofdam wat tussen die Vrystaat en Noord-Kaap provinsies grens, is amper 100% vol op 99,74.

Shoprite and Checkers invite all chefs, cooks and boerewors aficionados to enter their finest recipes into the 32nd annual Championship Boerewors competition before entries close on 21 June 2024.
Participants will stand a chance to compete for the coveted title of South Africa’s Boerewors Champion, and the grand prize of a brand-new Toyota Fortuner 2.4 GD-6 RB AT valued at R600,000.
The winning boerewors will also be available for sale at Shoprite and Checkers stores nationwide.
Since its inception in 1992, the Championship Boerewors competition has consistently unearthed the nation’s most exceptional boerewors recipes.

deur Elsa van Rhyn

GEMSBOK-UPINGTON: Oom Trompie Burger het verlede week 85 jaar oud geword en die Gemsbok is uitgenooi om ‘n bietjie by hulle te gaan kuier.
Oom Trompie het nie baie bekendstelling nodig nie. Baie inwoners van Upington onthou hom as eiendomsagent by Trompie Eiendomme of die oom wat so mooi trekklavier kan speel en dan nog natuurlik, as Trompie wat so lief is vir ou motorkarre.
Met my kuier daar, het tannie Helena hom gou reggehelp toe hy vir my gesê het, hy dink hy het nog so 20 ou voertuie. Nee, het sy gesê, dis nader aan 30, Trompie.
Maar dit daar gelaat, ‘n mens kom nie tussen ‘n man en sy voertuie nie.
Oom Trompie Burger het in die Askham-omgewing grootgeword waar sy ouers op die plaas, Gramond, geboer het.
Na skool het hy hom as passer by die Spoorweë gaan bekwaam. Dit was in Usakos in Namibië.
Dit is ook daar waar hy tannie Helena ontmoet het. Hulle is vanjaar 65 jaar getroud.

GEMSBOK-UPINGTON: Die kunstenaars van die Masakhane Arts Centre is weereens baanbrekers vir die kunste in die Noord-Kaap met hulle eerste volwaardige radiodrama wat tans op Radio Riverside te hoor is.
MAC is ñ kuns groepie wat hard daarna strewe, om die lewens van Upington se geemeenskap te verander. 
“Ons is nou, in samewerking met Radio Riverside,  met ‘n  baie interessante radio drama genaamd “Bloedskande”, besig. Dis ‘n  Afrikaanse radio-drama - wat op ‘n ware verhaal gebasseer is,” sê die skrywer Desmonia Leatisha Goliath. 
Die drama is op wraak en woede gebasseer. Ongelukkig kan jy nie altyd familie vertrou en verwag dat hulle 100% agter jou staan nie. Die verhaal handel oor ‘n pa wat sy eie seun se lewe vir geld en politieke sukses verruil het. 

GEMSBOK-UPINGTON: ‘n Ma is meer as ‘n vreeslose vrou. Sy is meer as ‘n held, sy is meer as jou beste vriendin, ‘n ma se liefde is onvoorwaardelik en kan nie met enige ander verhouding vergelyk word nie.
Hierdie woorde is beslis van toepassing op Amanda Bean en haar dogter Alicia Henn.
Hierdie dogter en moeder, albei oud-Upingtonners, het die afgelope jaar vir toetse gegaan en nou kan Amanda haar een nier vir haar dogter gee.
Maar kom ons begin by die begin.
Alicia het op Upington grootgeword en aan Hoërskool Duineveld gematrikuleer.

GEMSBOK-RIEMVASMAAK: Willem Damarah, ‘n kenner van inheemse tale, in besonders die Nama taal, is onlangs oorlede.
Willem of Toortjie, soos hy bekend gestaan het, was ‘n tradisionalis en ‘n taalkundige. 
Willem Damarah is gebore op 16 Julie 1964 te Riemvasmaak. Hy was die 7de oudste kind van wyle Gert en Leentjie Damara.  
Sy broer, Gerhardus, skryf die volgende van hom:
“ Willem  sal onthou word vir die baanbrekerswerk wat hy vir die inheemse tale in die besonders Khoi en San  tale, verrig het. Sy kennis van die Nama taal was noemenswaardig. Sy nalatenskap en mylpale in die ontwikkeling en bevordering van die Khoi en San tale, sluit die volgende in, om maar net ‘n paar te noem:
Hy was n Onderwyser aan die Laerskool Riemvasmaak vir jare voordat hy diens by die Streekskantoor aanvaar het.

GEMSBOK-UPINGTON: In die hart van die stryd teen geslagsgebaseerde geweld (GBV), het die CRC Kerk, wat hierdie jaar sy dertigste bestaansjaar vier, 'n nasionale projek geloods, Beauty 4 Ashes, wat daarop gemik is om 30 slagoffer-vriendelike (trauma) kamers by verskeie Polisiestasies landwyd in te rig.
Hierdie kamers is ontwerp om 'n veilige en ondersteunende omgewing te bied waar slagoffers van geslagsgebaseerde geweld (bv verkrag-ting, aanranding) hul verklaring kan aflê, en die nodige hulp kan ontvang.
Die slagoffer-vriendelike kamers sal deur CRC Kerk se Beauty 4 Ashes Projek toegerus word met die nodige fasiliteite om 'n warm, verwelkomende, skoon en veilige atmosfeer te skep.